Gudstænastan í Gjónni 11.08.24.

Marjun Lómaklett, prestur 

Koronatíðin gjørdi tað, at eingin gudstænasta var í Gjónni í 2020 og 2021, so hendan gudstænastan var tann sjeynda í røðini. Til ta fyrstu gudstænastuna í 2016 virkaðu Eiðisprestur, Emil Olsen og Hvalvíksprestur, Bergtórur Hjelm Bjarkhamar. Í 2017 var tað Fuglafjarðarprestur, Anne Mette Greve Klementsen, í 2018 var Emil Olsen aftur, í 2019 Eiðisprestur Jonhard Jógvansson, í 2020 og 2021 eingin gudstænasta (korona), í 2022 Jógvan Fríðriksson, bispur, í 2023 Uni Næs, dómpróstur og í ár Marjun Lómaklett, sóknarprestur í Norðoya vestara prestagjaldi.

Sum áður nevnt, var tað hesaferð Marjun Lómaklett, prestur, ið prætikaði. Friðrika M. Kristiansen var deknur, Símun Niclasen klokkari og Leif Hansen urguspæalari.

Sangur og tónleikur fylti Gjónna. Havnarkórið undir leiðslu av Leif Hansen spenti seg út, og tað sama kann sigast um Eiðis Ljómfelag, stjórnað av Agnari Lamhauge. Óførur sangur og tónleikur søgdu fólk, ið hava betri skil á tónunum enn skrivarin.